Masupog nga dredging kag pumping operation sa mga sapa kag lugar nga masami ginabaha ipatuman sang Department of Public Works and Highways kag City Engineer’s Office.
May anum ka mga sapa sa Bacolod ang nabutang sa critical level tuga sang mabunok nga pag ulan sang nagligad nga inadlaw, kabangdanan nga may 33 man tanan ka barangay ang naapektuhan sang baha.
Sa pagsinapol ni Mayor Albee Benitez upod sa DPWH kag City Engineer’s Office nakasugtan ang pagpatuman sang masupog nga dredging operation sa mga sapa pati na ang pag pump-out sang tubig baha sa mga flood prone areas sang siudad.
Ginsiling man ni DPWH District Engineer Abraham Villareal nga ila man ginatinguhaan nga matapos gilayon ang mga nagapadayon nga road and drainage project ilabi na nga magasugod na ang klase sa madason semana.
Natalana man nga ipakay-o sang DPWH ang natiphag nga bahin sang Esplanade sa Barangay Sum-ag.