DPWH nagpangabay sa barangay nga kakson ang mga permanente nga baligyaan sa BANOCEH

Ginapangabay na sa karon sang Barangay Cabug sa Bacolod City ang pito tubtob siyam nga mga permanent nga baligyaan nga yara sa Bacolod-Negros Occidental Economic Highway nga paluson na ang ila structure.

Ini bangud ginadumilian sang Department of Public Works and Highways magpatukod sang mga permanent structures sa amo nga lugar.

Ginsiling sang punong barangay sang Barangay Cabug nga si Jennifer Pincutan, nga duha na ka beses nga ginpanaogan sang notice to vacate ang amo nga mga baligyaan apang tubtob subong wala pa sila gihapon maghalin.

Ginklaro man sini nga ginatugutan man nga magbaligya ang mga vendors sa amo nga lugar, apang ginadumilian ang mga vendors nga magpatukod sang permanent structures.

Mga moveable ukon ambulant vendors lamang ang ginatugutan sa amo nga lugar.

Ginahaylo sang barangay ang mga vendors nga magsunod sa mando sang DPWH antes pa magbalik ini kag amo ang mag guba sang ila mga structures.

Wala man sang balay nga nakatindog sa amo nga lugar, apang ang mga permanent nga baligyaan ang ginatulugan naman mismo sang mga tag-iya.

“Indi nata maghulat nga gub-on ni sa nga waay gid kamo sang mapuslan. Te siling nila ma kooperar man sila. Pero sang nagligad ginpakadtoan ko naman to sa kagawad ko kay siling ko lihog be remind kon ano na kag san-o sila magiho kay indi nata maghulat nga gulpihon ta di kag kadtuan naman ta sang DPWH nga basi upod na nila ang legal team kanugon”, suno kay Pintucan.*

[sibwp_form id=1]