Mayor Albee Benitez nagpangayo sang paathag sa DPWH angut sa dululungan nga gina bungkal kag kaayo nga mga dalan sa Bacolod.
May napulo karon ka mga major road kag drainage projects sa nagkalain lain nga bahin sang Bacolod pati na sa mga dalan nga masami naga traffic kun peak hours.
Gani naga resulta ini sa lala nga traffic kun aga kag kun hapon. Pila sa mga nadeparahan sang alkalde nga ang mga dalan nga gina pang guba wala pa man sang deperensya kag ang iban diri ginpang buhuan na kag gin pabay-an anay. Gani nagpadala siya sang sulat sa Department of Public Works and Highways kag nagpangayo sang paathag kun ngaa nag dululungan ang ini nga mga proyekto.
Pero para mapahagan hagan ang epekto sini sa mga motorista ginpatwag ang mga contractor para mag coordinate sa City Engineer’s Office kag Bacolod Traffic Authority Office para mapahibalo ang publiko kun san-o maga sugod kag magatapos ang proyekto. Siyam sa napulo ka mga major repairs iya sang national government kag isa lang ang iya sang siudad sang Bacolod.