Sa Sagay city isa ka dolphin ang nasapwan nga patay sa Sagay Marine Reserve kaina sang aga.
Isa ka bottle nose dolphin ang nasapwan patay sa norte nga bahin sang Carbin Reef nga kabahin pa sang Sagay Marine Reserve.
Suno sa kay Jose Roberto Togle, pamuno sang Resource Management Section sang Sagay City Environment and Natural Resources Office mga las singko kwarenta sang kaagahon nasapwan ang patay nga dolphin sang mangingisda.
Gina usisa pa nila kun ano ang ginkamatay sang dolphin pero sa inisyal nila nga paglantaw gin igo sang matig-a bagay nga ang blow hole sini.
Isa ka adult male ang nakita nga dolphin nga may kalabaon nga 1.9 meters kag 90 kilos ang kabug-aton.
May mga gasgas ang iya sini mata kag likod sang liog kag ulo.
Gina panugyan sa mga mangingisda nga maka kita sang na trap nga dolphin sa ila nga mga net nga i-release ini sa baybayon kay importante ang papel sini sa marine ecosystem.