Ginbasura sang Court of Appeals sang Timor Leste ang motion for reconsideration ni anay Negros Oriental Cong. Arnolfo Teves, Jr., para baliskaron ang desisyon nga pagtugot sa extradition ukon ang pagpapauli sa iya sa Pilipinas para atubangon ang iya nga mga kaso.
Suno sa Department of Justice, ina ang ginhatag nga impormasyon sa ila sang prosecutor general sang Timor-Leste. Wala naman sang may ginhatag pa ang DOJ sang dugang nga detalye angot sa desisyon sang korte. Sang kahapon nagpagwa man sang statement ang abugado ni Teves nga si Atty. Ferdinand Topacio nga wala ini sang kamatuoran.
Hunyo sang ginpasugtan sang korte sa Timor Leste ang request sang gobyerno ang Pilipinas para mapapauli balik sa Pilipinas si Teves nga ginaresto sa Dili sadtong bulan sang Marso bangud sang Interpol red notice.