Doh Regional Director Dr Adriano Suba-an, Governor Eugenio Jose Lacson, OIC-PHO Dr Girlie Pinongan kag PHO Dr Ernell Tumimbang sa ceremonial MOA signing para sa Universal Health Care. CPG photo
Ginklaro sang Department of Health nga magabalin ang pag patuman sang preventive measures bisan pa nga wala na ginakabig sang World Health Organization ang Covid 19 bilang isa ka Public Health Emergency.
Suno kay Dr Adriano Suba-an ang Regional Director sang DOH Western Visayas, ang mga gina patuman nga social distancing kag pag gamit sang face mask kun may mga madamo sang tawo ang padayunon, labi na karon kay may gamay nga pagsaka sa Covid – 19 cases.
Suno kay Suba-an indi iga lift ang kasubong nga mga preventive measures.
Klaro ni Subaan ang mga kaso sang Covid sa 2023 sa Western Visayas kun ipaanggid sa 2020, 2021 kag 2022 ang tuman naman ka nubo.
Low ang active cases sa karon suno sa iya.
Yari si Subaan sa probinsya para sa pag lagda sang memorandum of agreement para sa Universal Health Care.
Ini ang gina kabig nga province wide health system gani isa ini ka gina kabig milestone para sa mga alkalde kag provincial officials sa pagpamuno ni Negros Occidental Governor Eugenio Jose Lacson para sa mga pumuluyo sang Negros Occidental.