Department of Health ang nagpanguna sa pag duso sang booster shots sa idalom sang PinasLakas Campaign sa banwa sang Murcia.
Gobernador Eugenio Jose Lacson, sa paglunsar sang programa ang nagpanawagan sa mga banwa kag siudad nga mag pangita sang pamaagi para maduso pa gid ang pagbakuna labi na nga manubo sa gihapon ang nalab-to sang Negros Occidental sa ginhatag nga national target.
90 percent ang target nga madapatan sang duha ka dose sang Covid – 19 sa mga senior citizen kag 50 percent naman sa general population ang target mahatagan sang booster dose sa idalom sang PinasLakas.
60.73 percent ang fully vaccinated sa mga senior citizen sa probinsya kag 78.12 percent naman sa general population sa pinaka ulihi nga report nga gin. Suno kay Dr Kenneth Ronquillo, USEC for Health Policy and Infrastructure Development Team, sila ang maga bulig sa probnsya sa pag paayo sang vaccination campaign sini.
Wala labot nga gina duso ang house to house vaccination campaign, gina abi-abi man ang mga incentive nga mahatag sa mga naga pabakuna kag naga bulig patuman sini kasubong sa mga Barangay Health Worker.
Sa banwa sang Murcia suno kay Mayor Gerry Rojas, may tag tatlo ka kilo sang bugas nga mabaton ang mga naga pabakuna.
Sa October 8 na maga tapos ang PinasLakas campaign.