Probinsya sang Negros Occidental ang naghinyo sa Department of Health nga i-papanaugan ukon i de-escalate ang alert level status sang mga banwa kag siudad sa Negros Occidental nga may maayo nga performance sa ila nga vaccination program.
Suno kay Provincial Administrator Rayfrando Diaz sa ini nga pamaagi ma enjoy ukon ma ka benepisyo man ang mga banwa kag siudad sa ila nga nangin maayo nga performance sa pag pangbakuna tigaylo nga palareho ukon ipaidalom sa isa lamang ka alert level status sa bilog nga probinsya.
May napulo ka mga banwa kag siudad sa Negros Occidental ang tigayon naka bakuna sang masobra sa 70 percent sang ila nga pumuluyo.
Ini ang nagalakip sa Cadiz City, San Enrique, Eb Magalona, Sagay City, Talisay City, Murcia, Pontevedra, Victorias City, Silay City kag Candoni.
Ang La Carlota City naman 85 percent ang tigayon nabakunahan sa target sini kag ang Pulupandan naman 82 percent.
Sa March 26 nga report sang Negros Occidnetal 65.02 percent ang fully vaccinated sa bilog nga probinsya.
Suno kay Diaz, sa sinapol kahapon sa Provincial Health Board ila nga masiling nga daw na nalab ot na ang saturation point sa vaccination.
Naga kasayuran suno kay Diaz nga nalambot na ang halos tanan nga gusto mag pabakuna kag may kabudlayan na nga nasugata para magkumbinsi pa sa mga nabilin.
Ang alert level status sang mga banwa kag siudad ang nabase sa kadamuon sang mga nabakunahan sa ila target, ang active cases sa ila nga lugar kag ang ila hospital occupancy rate.