Defense Secretary Gilberto Teodoro, Jr ang nagbisita sa tropa sang 79th kag 15th Infantry Battalion sang Philippine Army sang Sabado. Siya ang naga panindugan nga wala sang sibilyan sa 19 nga napatay sa engkwentro sa Toboso.
Sa interview sang media iya ginsiling nga madamo sang sala nga impormasyon nga naga gwa rason nga iya ini nga gina correct.
Suno kay Teodoro sa panaysayon sang mga soldado ini sila mga armado.
Damlag pa sa gin patigayon nga fact finding mission sang mga kaalyado nga grupo lakip na ang Karapatan, ginsiling nila nga anum sa 19 ang sibilyan.
Ginkwestion ni Teodoro ang source. Ano man abi suno sa iya ang kredibilidad sang pahayag sang isa ka terrorist organization.
100 percent siya nga sigurado sa legitimacy sang operation sang militar sa natabo nga engkwentro sa NPA sa Toboso kag sa Cauayan kun sa diin lima naman kag gina alegar NPA ang napatay.
Nagsapol si Teodoro kay Negros Occidental Governor Eugenio Jose Lacson upod ang iban pa gid nga mga opisyales sang probinsya. Personal niya nga ginpasalamatan ang gobernador kag ang mga local officials sa suporta nga gina hatag sa Armed Forces of the Philippines.
Wala na sang national peace talks sa tunga sang gobyerno kag sang CPP-NPA-NDF. May mga localized peace mechanisms na nga na plastar suno sa iya.
Ginsiling ni Negros Association of Chief Executives nga sa lokal nga lebel suportado nila ang panawagan para sa kalinong para sa CPP-NPA-NDF.
Nagpadulong man si Teodoro sa Army Headquarters sa Sagay City kag sa Cauayan para personal man nga makigkita kag makapasalamat sa tropa.*
[sibwp_form id=1]