Martes, ginbuksan na ang diversion channel nga yara sa Reclamation Area sa Bacolod City kasunod sang direktiba sang lokal nga panguluhan sang Bacolod.
Ginpatuman ini sa pag panguna ni DPWH Undersecretary, Charles Calima, upod ang contractor, matapos ang alignment meeting nga ginpatigayon kaupod si Bacolod City Mayor Greg Gasataya.
Sa amo nga pagsinapol, ginmanduan ni Calima ang Almana Construction and Development Corporation nga indi na paghulaton pa ukon pa dugayon ang pagbukas sang diversion channel.
Suno sa DPWH, ginalauman man nga kuhaon ang mga sheet pile kag sugdan na ang aktwal nga pag-operate sang floodgate agud maka ilig na ang tubig nga nagatipon sa area.
Ginsiling man sang alkalde, makabulig ini sa mas madali nga pag pagwa sang tubig baha, labi na sa Reclamation Area nga permi ginabaha sa kada pag bubo sang mabaskog nga ulan.
Indi masarangan sang local drainage system ang kadamuon sang tubig nga naga tipon.
Dugang pa niya, may plano man ang Bacolod City nga iga-connect gilayon ang mga local drainage system sa diversion channel agud mas mangin epektibo ini sa tion sang pagbinaha.*
[sibwp_form id=1]