Department of Education Western Visayas ang naga laum nga matupangan ukon malampuwasan ang kadamuon sang enrollees sang nagligad nga school year.
Sa karon, masobra sa 300,000 nga mas manubo ang nag pa enrol.
Sa August 26, 8am nga quick count datus sang DepEd Western Visayas, 1,689,961 ang nag pa enroll sa public, private kag mga state colleges and universities sa Region 6.
Wala pa malakip ang datus sang nag pa enroll sang Sabado, Agosto 26.
Bwas, Agosto 29 na magabukas ang klase. Kun ipaanggid sa datus sang school year 2022 to 2023, mas manubo ang nag pa enroll subong sang masobra sa 300,000.
2,087,496 ang nag pa enrol sang nagligad nga tuig.
Suno kay Hernani Escullar, ang spokesperson sang DepEd Region 6, nagalaum ang DepEd nga matupungan ukon malampuwasan ang enrollees sa pampubliko nga eskwelahan.
Sa datus sa quick count, 1,504,109 ang naka enroll sa public schools subong, sang nagligad nga tuig 1,886,720 ang naka enroll.
Pila sa mga posible factors nga nag apekto sini amo nga may mga late pa maga pa enroll, ika duha ang migration, labi na nga nagbukas naman ang ekonomiya gani indi malikawan ang pagsaylo sa iban nga lugar.
Ikatlo amo ang sitwasyon mismo sang pamilya kun sa diin apesar sang kampanya nga libre ang edukasyon may naga pangampo nga indi sila makasarang mag pa eskwela sang kila kabataan.