Kulang sang 1,800 ka mga classroom ang DepEd Negros Occidental Division.
Ini suno kay Ian Arnold Arnaez ang spokesperson sang Negros Occidental DepEd Division.
Sa latest nga Quick Count sang DepEd, may 234,000 ka mga na enroll nga estudyante humalin elementary tubtob sa secondary level sa idalom sang amo nga division.
Suno kay Arnaez tubtob pa man Agosto 26 ang enrollment antes mag bukas ang klase sa Agosto 29.
Dugang pa niya, sa kinaandan indi malikawan ang mga late man nga naga pa enroll.
Sang 2022 to 2023 nga school year, masobra sa 300,000 ang na enroll nga mga estudyante.
Tubtob nga mapat-od ang kadamuon sang nag pa enroll, amo pa kag mahibaluan kun ano gid ang kadamuon sang kakulang sa classrooms.
Pero bisan pa, suno kay Arnaez, humalin pa man sadto ang kasubong nga mga pag panghangkat ang masolusyonan.
Ehemplo diri ang pag convert sang pila man ka mga hulot kasubong sang ayhan library, ukon home economics rooms para mangin hulot klasehan.
Naka bulig man ang Brigada Eskwela labi na sa mga repairs.
May kakulang man sa mga manunudlo kag sa karon padayon ang hiring.
Ang tanan nga mga banwa kag ang siudad sang Talisay ang sa idalom sang Negros Occidental DepEd Division.