Mga ginikanan ukon guardian nga naga plano nga mag pa eskwela sang ila kabataan sa public schools ang gina abisuhan na sang Department of Education nga mag pa rehistro na.
Enero 31 nagsugod na ang registration para sa mga incoming kindergarten, Grade 1, Grade 7 kag Grade 11.
Abiso ni Dep-Ed Negros Island Region spokesperson, Almyr Caezar Dequiña tubtob sa February 27 ang early registration.
Gani mas maayo nga magpadulong na sa mga public schools para man maka pamangkot na sang mga requirements kag maka fill-up sang mga enrollment forms.
Tuyo sang early registration nga maka plano sang temprano ang DepEd kun ano kadamo sang mga manunudlo ang kinahanglanon, mga classrooms, learning materials kag iban pa.
Sa pihak nga bahin, padayon ang pag panghanda man sang DepEd para sa Negros Island Region Athletics Assocaition meet sa March 1 to 6. Ang Bacolod DepEd upod ang Bacolod LGU ang maga host sang NIRAAM ang pinaka una karon nga sa idalom na sang Negros Island Region.
“Gina hangyo gid naton ang mga parents and guardians, nga mag take advantage sa ining early registration. Pa lista na inyo mga kabataan for enrolment mag kadto lamang, mag coordinate sa mga public schools, sa mga requirements nga gina kinahanglan”, suno kay Dequiña.*
[sibwp_form id=1]