Department of Education ang nagsugod na sang early registration kag naga panawagan sa mga ginikanan nga iparehistro na ang ila nga mga kabataan nga maga eskwela sa pampubliko nga eskwelahan.
Suno kay Ian Arnold Arnaez, ang spokesperson sang Department of Education – Negros Occidental, nagsugod na ang early registration Mayo 10 kag ini ang maga lawig tubtob sa Hunyo 9.
Para ini sa mga maga eskwelaha sa Kindergarten, Grade 1, Grade 7 kag Grade 11.
Ini agudto mapat-od man sang DepEd ang mahimo kadamuon sang mga kabataan nga maga eskwela kag tigayon man ma plastar ang kinahanglanon bahin sa logistics.
Automatic naman nga gina dala para sa masunod nga school year ang mga estudyante humalin grade 2 to 5 kag grade 8 to 10 kag 12.
“So they can be counted para ma include man sila sa planning man sang DepEd. Gina usar na sa for planning and budgeting” suno kay Arnaez.
Sa pihak nga bahin yara na sa eskwelahan ang pag pat-od sang adjustment sa ila nga mga klase dala sang tuman nga mainit nga panahon.
Suno kay Arnaez may yara sang naga pakamaayo nga mag adjust sa mga oras, ang iban nag shift sa lain nga mode.
Sa report nga ila nabaton, ang nose bleeding sa mga estudyante ang isa sa mga kaso nga ila nabaton bangud sang tuman nga kainiton.