Department of Education ang nag pa gwa na sang guide para sa class arrangement base sa heat index levels may kaangtanan sa gina eksperiensya karon sang El Niño phenomenon.
Kun Hayo ukon below 27 degrees celsius ang heat index maga padayon ang face to face classes kun sa diin ipatuman ang mga hydration breaks, dapat ventilated ang mga classroom kag ang mga outdoor activities naka shedule sa mga tion nga mabugnaw na.
Kun Hinay ukon 27 to 32 degrees celsius na ang heat index, ang mga eskwelahan sarang maka pa lip-ot sang face to face classes. Maga patuman sang adjustment sa schedule ukon mag shift sa hybrid ukon home-based learning.
Kun Hinga ukon 33 to 41 degrees celsius ang heat index, suspended ang face to face classes, ang mga academic demands naman gina reduce. Sarang mag hatag ang eskwelahan sang mga gina kabig light learning tasks.
Kun Hinto ukon 42 degrees celsius pasaka ang heat index, ang tanan nga academic activities lakip na home-based learning ang suspended.
Ginsiling ni Ian Arnold Arnaez ang spokesperson sang Negros Occidental DepEd Division na plastar na ang mga tikang kag mga options sa tunga sang gina atubang nga epekto sang El Nino phenomenon sa tuyo nga mapangapinan ang ikaayong lawas labi na sang mga learners.
Suno sa DepEd guidelines ang mga class suspension indi lamang gina pat-od sang heat index, ang mga school heads ang dapat maga exercise sang sound judgement base man sa actual nga local condition, classroom ventilation, access sa learing resources kag iban pa.
“Ara man sa gihapon ang mga suspension of classes kay tungod nga expected na nga kun tam-an na gid man kainit just like sa heat index sang nag ligad, ang eskwelahan pwede maka suspend sang classes kun indi masarangan sang mga bata ang kainiton sa sulod sang eskwelahan kay indi na comfortable for the school learners,” suno kay Arnaez.
[sibwp_form id=1]