Total dengue cases sa Western Visayas ang naglab-ot sa 1,600.
Humalin Enero tubtob Marso 16, may 1,601 ka dengue cases ang na record.
Kun ipaanggid sa datus sang nagligad nga tuig, 1 percent ini nga mas manubo.
Kalabanan naman sa sining mga kaso ukon 40 percent sini naga apekto sa 1 to 10 years old nga age group.
Sa morbidity week 11 ukon sa March 10 to 16, may 134 ka bag-o nga dengue cases ang na-report.
54 new cases ang na record sang Iloilo Province sa amo nga semana, 25 new cases naman ang sa Capiz kag 23 new cases sa Aklan.
Samtang ang Negros Occidental ang may 10 new cases kag ang Bacolod naman may 4 new cases sa amo nga semana.
Humalin Enero tubtob March 16 ang Negros Occidental ang may 214 cases kag ang Bacolod may 32 cases.
Wala sang may na record nga dengue deaths sa probinsya kag sa siudad.
Padayon ang kampanya sang DOH para sa matinlo nga palibot para malikawan ang balatian dala sang lamok.