Sadto anay ang pag deliver sang mga bulak ang gina kasakuan sang treinta anyos nga si Ruben Malihan, subong masako na siya sa pag grill sa Gaja Grillhouse. Isa ka kalan-an nga naga pa unli samgyupsal.
Ma isa na ka bulan sang nag sugod sila sa sini nga negosyo sang iya live in partner nga si Gabriela Alolor.
Istorya ni Ruben, makapoy man kuno ang mag delivery rider kay ulan init ang pangontra gani napamensaran niya nga mag sugod sang negosyo.
Samgyup ang napili niya kay ang iya live in partner madamo sang mga abyan nga naka pamana sang Koreans gani damo man may nahibaluan sang korean food parehos sang samgyop.
Mapisan siya, pursigido pero kulang lang sa capital. Gani nagpalapit siya sa tag iya sang Annes Flowers Bacolod nga si Beverly Anne Locquiao-Cantiller kag nagpangayo bulig.
Bangud indi naman iban ang pagkabig sa iya ni Beverly, wala ini nagpang duha duha kag gin buligan si ruben. Halin sa pagka delivery rider ni ma’am bev niya, subong business partnes na sila!
Si Ruben ang ika anum sa pito ka mag utod. Ang iya iloy labandera sadto kag ang iya amay furniture maker. Diri niya man nakuha ang iya nga talento sa paghimo sang mga pulungkuan kag lamesa… Siya mismo ang nag himo sang benches kag tables sa ila nga grillhouse.
Suno kay Ruben, nag ugyon ang tanan para madayon ang luyag niya nga maka sugod sa negosyo. May nakilala siya nga negosyante kag ang girlfriend niya nga may ihibalo sa Korean food.
Subong ma isa na ka bulan ang ila kalan-an. Ang unli samgyu sa presyo nga 279 pesos ang gina balik balikan sang ila nga customers
Ang Gaja nga bu-ot silingon, lets go ang yara lang nahatang sa kilid sang Carlos Hilado Memorial State University Estefania campus sa Bacolod.