Patay ang isa ka delivery rider matapos makabunggo ang iya ginamaneho nga motorsiklo sa center island sa dalan Mabini, Barangay Zone 15 sa Talisay City.
Gilayon man nga nag-abot sa lugar sang insidente ang mga rescue personnel kag gindapatan sang first aid ang 38-anyos nga biktima antes ginhingagaw dala sa ospital apang gindeklarar siya nga dead on arrival.
Ginsiling ni Police Major Rhazl Jim Jocson, deputy chief sang Talisay Police Station, magapauli na kuntani ang biktima padulong sa Bacolod sang nagluntad ang insidente.
Base sa traffic investigation, nadulaan sang control sa iya ginamaneho nga motorsiklo ang biktima rason nga nakabunggo siya sa center island kag nalampos ang iya ulo kag lawas.
Nagpaabot naman sang simpatiya ang mga kaupdanan nga delivery riders sa nalisdan nga pamilya sang biktima.