Nagpadulong kahapon sa Barangay Prosperidad sa siudad sang San Carlos ang 25 anyos nga si Jecson Cabanero nga salesman sang isa ka trading corporation, para kun tani lang mag deliver sang gin order nga mga harina.
Pero samtang naga deliver, siya ang gintayaan sang armas sang duha ka lalaki kag gin kuha ang iya bag nga naga unod sang malapit sa tres mil pesos nga koleksyon.
Sa follow up operation sang kapulisan sa San Carlos tigayon nga nadakpan ang driver sang motor nga getaway vehicle sang duha ka persona nga nagkawat.
Ang gindakop nga si Jonathan Sasam ang natukiban nga delivery boy man sang trading corporation nga gina ubrahan sang ila gin biktima.
Padayon pa ang pag pangita sang duha pa niya ka upod nga suno sa pulis, naga trabaho man sa amo nga kumpanya.
Isa sa suspek ang aktibo pa nga delivery boy man sang trading corp samtang ang isa sadto man nag trabaho didto.
Kaso nga robbery ang ipasaka batuk sa ila.