Declogging kag clearing operation sa 33 ka mga identified flood prone areas sa Bacolod sarang ma-delay tuga sang kakulang sang personnel sang Disaster Risk Reduction and Management Office.
Humalin sang nagligad nga tuig nga nangin masako ang declogging kag clearing operation sang katapo sang Anti-Flood Control team sang DRRM Office sa 33 tanan ka mga gin-identify nga flood prone areas sa Bacolod.
Suno kay DRRMO head Dr. Anna Maria Laarni Pornan, yara na sa 50 por siento ang paghawan sang mga barado nga drainage kag mga alagyan sang tubig sa 33 identified flood prone areas.
Ugaling sarang ma-delay ang declogging kag clearing operation bangud ginakulang sang personnel ang DRRMO. S
a 130 ka mga personnel, may 23 na lamang karon ang nabilin nga personnel sang DRRMO makaligad man nga ginbuhinan ang mga job order workers sang siudad.
Kaina, nagsapol na ang DRRMO upod sa mga punong barangays agud mabuligan sila sa declogging kag clearing operation sa mga identified flood prone areas nga nasakpan sang ila barangay.