Provincial Tourism Officer Cheryl Decena sa karon ang maga serbe nga Festival Director sang Panaad sa Negros Festival.
Sa Executive Order nga ginpa gwa ni Governor Eugenio Jose Lacson sini nga adlaw, si Decena ang Festival Director sang gina kabig festival of all festivals.
Sa pagpasiguro nga mangin masulhay kag madinalag-on ang kahiwatan sang Panaad sa Negros, nga natalana sa bulan sang Abril, kinahanglan ang pag amend sang nagkalain-lain nga mga komitiba nga maga-facilitate sang overall planning, implementation, coordination kag supervision sang mga programs kag events.
Kinahanglan man suno sa EO ang pag designate sang Festival Director kag Overall Logistics Head.
Si Engineer Jose Maria Amugod ang Logistics Head.
Ang tanan naman nga departamento kag talatapan sang Provincial Government sang Negros Occidental ang gina manduan nga mag hatag sang administrative and technical support sa EXECOM.
Natalana ang launching sang Panaad sa Negros Festival ayhan sa ulihi nga semana sang Pebrero ukon una nga semana sang Marso.
Magabalik ang Panaad matapos ang tatlo ka tuig nga pagpaiway sini bangud sang pandemic.