Sa una kag ika duha nga semana sang Nobyembre ang target nga matigayon ang hearing para sa 2024 proposed budget sang Negros Occidental.
Ini suno kay Board Member Rommel Debulgado ang pamuno sang Budget ang Finance Committee sang Sangguniang Panlalawigan nga nag siling man nga ang schedule para sa hearing ang iya pa man nga talakayon sa katapo sang komitiba.
5.434 billion pesos ang 2024 budget.
Suno kay Debulgado nasiling na ni Governor Eugenio Jose Lacson nga ang priority sini sa madason nga tuig amo ang food security kag infrastructure.
Nalakip sa budget ang mga mandatory appropriation para sa 20 percent development fund, disaster fund kag Gender and Development fund.
Ang nabilin para naman sa personnel services.
May masobra sa 6 percent karon nga increase sa National Tax Allotment suno kay Debulgado kun ipaanggid sa 2023 nga budget.
Ginalauman suno kay Debulgado nga tigayon mabalik sa masunod nga mga tinuig ang reduction sa NTA tuga sang COVID nga nagdangat sa 800 million pesos.
Sang nagligad nga tuig tigayon napasar ang 2023 budget sa una nga semana sang Disyembre.
Suno kay Vice Governor Jeffrey Ferrer gina paabot nga ang pag pasar sang 2024 budget matigayon man sa gihapon sa amo nga tion.