Suno kay Mayor Nehemiah Joe Dela Cruz wala sa karon ginatugutan nga makalabay ang mga truck nga may karga nga tubo kag iban pa gid nga mga mabug-at nga salakyan. Mga light vehicles lamang lakip na light buses ang sarang maka agi sa amo nga highway nga naga serbe alagyan padulong sa Calatrava.
Paathag sang alkalde, dako ang halit nga natuga sang gina bulubanta 50 meters nga landslide. May mga nahalitan man nga pananum kaangay sang mga humayan kag mga pinya.
Mga 27 million tubtob 35 million pesos ang ginabulubanta kinahanglanon para lubos nga makaayo ang apektado nga bahin, gani temporary solution anay ang ila nga gina patuman.
Natalana pa sila magsapol liwat para sa ila masunod nga tikang lakip na pag patuman sang alternative routes.
Personal nga ginbisitahan nanday Dela Cruz kag mga opisyal sang Municipal Engineering Office kag Department of Public Works and Highways ang area sang nagligad nga semana kasunod sang natabo nga landslide sadtong Pebrero 11.
Ma madugay nga nga gin-report nga cracking sa amo nga dalan, dugang pa diri ang wala untat nga ulan kag pag tay-og man sang nagluntad nga linog sang nag liligad nga bulan ang gina lantaw man mga kabangdanan.
“One lane lang to passable. Then gina tinguhaan to namon. May solution kami to nga temporary lang anay para indi lang gid ma totally damaged kag ma passable pa ang isa ka lane. May steps na kami to ni DPWH. Ma meeting kami. Ma talk kami when ma implement. Band aid solution lang ni anay, kag I would kike to thank sang office ni Sec Vince Dizon for the fast action to check the area. Wala gapa agi sang heavy, nga fully loaded, example mga truck sang tubo nga fully loaded. Pero mga light vehicles pwede”, suno kay Dela Cruz.*
[sibwp_form id=1]