Mas madamo nga supply sang Covid-19 vaccines ginapaabot sang Bacolod sa bulan sang Setyembre.
Magluwas sa supply sang AstraZeneca vaccines nga ginbakal sang Bacolod, ginapaabot man sang pamunuan sang emergency operation center ang delivery sang mas dako nga supply gikan national government.
Suno kay Em Ang, CoVac Council coordinator kag executive director sang EOC, sa virtual meeting upod sa National Inter-Agency task force ginpasalig ni chief deputy chief implementer Vince Dizon ang pag abot sang dugang nga supply sang vaccine sa madasun nga bulan.
Ginkalipay man sang siudad nga pati mga private institution ang nagpalab ot sang dugang nga supply sang bakuna.
Nagalaum ang EOC nga mas mapadasig pa sini ang ginapatuman nga vaccination program ilabi na nga nagsugod naman ang vaccination drive nga 24-hour shift.
Sa weekend magabukas man ang sm kag Ayala Mall para sa mga walk-in nga luyag magpabakuna sa vaccination center.