Ginahulat pa sang Department of Agriculture-Negros Island Region ang guidelines sa pag patuman sang price ceiling para sa sibuyas bombay.
Ini suno kay Engr Jose Albert Barrogo ang regional director nga nagpaathag nga ang gin-announce nga P120/kilo nga price ceiling ang para sa imported nga red kag white nga bombay.
Wala nasakop diri suno kay Barrogo ang locally produced nga sibuyas bombay.
Kun lantawon ang merkado suno kay Barrogo laban gid man nga gina baligya ang imported nga bombay kay diutay lang man ang locally produced.
Tuyo sang pag butang sang DA sang price ceiling sumugod December 1 amo nga ma pa hagan hagan ang karon pag timbuok sang presyo sa tunga sang pagsaka sang demand dala sang okasyon sini nga bulan sang Disyembre.
Sa price monitoring sang Office of the Provincial Agriculturist sa merkado sa Bacolod may P350 ang kilo sibuyas Bombay sa Burgos Market kag P300 naman ang kilo sa Libertad Market. Suno kay Dina Genzola ang OIC Provincial Agriculturist ini mga locally produced nga bombay.
“As of today gina hulat pa namon ang signed guidelines. Wala pa man, gin announce na officially starting December 1. When it comes sa monitoring kag sa implementation, may mga instruction, nakabutang man ina sa guidelines. We are expecting may mga penalties for those sa indi magsunod sa amo sina nga patakaran naton”, suno kay Barrogo.