Department of Agriculture kag Sugar Regulatory Administration ang nag hilisugot nga iga extend ang moratorium sa molasses import tubtob sa Marso 2026.
Sa pahayag nga gin-release sa media, ginkasugtan sang DA kag SRA ang pag extend sang Molasses Order No. 1, nga naga patuman sang moratorium sa molasses importation tubtob sa katapusan sang Marso sa masunod nga tuig.
Gin-issue ang Order sang Setyember nga naga suspend sang pag sulod sng imported molasses tubtob sa katapusan sang sini nga tuig agudto malikawan ang pag nubo pa gid sang presyo.
Ang 21 percent nga saka sa molasses production sang nagligad nga milling season, updan pa sang dugang nga imported supply ang rason sang pag nubo sang presyo sa halos katunga tubtob sa mas nubo pa sa 10,000 per metric ton sa una nga mga inadlaw sang Nobyembre.
Sa iya nga recommendation kay Agriculture Secretary Francisco Tiu-Laurel, ginsiling ni SRA Administrator Pablo Luis Azcona nga nakita sang Board nga kinahanglan nga ma extend ang moratorium.
Suno sa iya ang local stock levels nagapabilin sa mga 250,000 metric tons—gina kabig nga nagakaigo sa domestic use.
Dugang pa ni Azcona nga ang galing nagsugod October 1 sa Negros Island Region, kun sa diin ang molasses production nagdangat sa halos 84,000 metric tons as of November 9.
Apesar sang moratorium, suno kay Azcona ang stock levels naga pabilin nga mataas.
Dugang pa sang pahayag, ang SRA kag DA sarang mag amend sang moratorium order, depende sa molasses inventory.
Ang locally produced molasses lamang ang gina tugutan gamiton para sa bio-ethanol production.
Samtang ang local kag imported molasses naman ang pwede magamit sa baking, confectionery, cooking kag beverages, kasubong man sa production sang animal feeds, vinegar, citric acid, kag potable kag sanitary alcohol kag iban pa.*