Ang City Social Welfare and Development Office sang San Carlos City ang nag patuman sang validation sa mga pamilya nga apektado sang bagyo Tino nga gikan sa mga barangay nga yara sa kabukiran.
Ang CSWDO team nga ginpamunuan sang Officer-in-Charge nga si Edena Dagondon, ang nagpatuman sang validation activities sa mga apektado nga pamilya sa Barangay Prosperidad kag Quezon sang Lunes.
May 300 ka mga balay nga gin-identify nga apektado sa Barangay Prosperidad kag 459 naman sa Barangay Quezon.
Suno kay Dagondon, sandig sa nakasaad sa LGU information page, ang CSWDO ang maga validate sang 18 kag mga barangays sa San Carlos City biling requirement sa idalom sang Integrated Disaster Shelter Assistance Program ukon IDSAP.
Ini ang isa ka initiative sa idalom sang Department of Human Settlements and Urban Development ukon DHSUD nga naga hatag sang one-time cash assistance sa mga pamilya nga may nagub-an sang mga balay para man sila ang mabuligan sa ila nga recovery kasubong man matib-ong ang safe kag resilient housing.
Iga submit nila ang mga required documents nga gin pangayo sa mga pamilya nga apektado sa DHSUD. Ang kantidad sang assistance nga mahatag sa totally kag partially damaged nga mga balay ang iga announce pa.*