Ginkadtuan na kaina sang aga ni PENRO Joan Grangaya ang nagluntad nga molasses spill sa Feeder Port sa Old Sagay sa Sagay City.
Suno kay Gerangaya nag lasaw na ang spillage kun ikumpara sang kahapon.
Naga gwa man sa ila nga imbestigasyon nga wala sang leakage sa chamber sang tanker.
Gani duda nila, tuga sang kapabayaan sang crew ang natabo nga spill.
Posible wala mag shoot sa buho sang tanker sang naga saylo sila sang molasses gikan sa truck.
Gina bulubanta isa ka truck sang molasses ang nausikan sa baybay kag naglapta sa gina bulubanta 1.3 hectares sang kadagatan.
Gab-i abe ang natabo nga pagsaylo sang molasses kag posible wala madeparahan sang crew ang pag usik sini.
Suno pa kay Gerangaya wala man sang may na report nga fish kill sa Sagay Marine Reserve bangud biodegradable ang molasses.
Byproduct ini sang pag refine sang kalamay gikan sa tubo kag gina convert sa alcohol.
Gikan ini sa sentral sa Sagay kag dal-on kuntani sa Metro Manila.
Temporaryo nga gin hawiran ang mga crew sang barge kag gin tun-an kun sarang sila manabata sa natabo.
Lunes sang nagsugod load sang molasses ang MT Mary Queen of Charity kag sang kahapon nadeparahan nga may molasses spill na sa puerto.
Ang puerto ang kabahin sang Sagay Marine Reserve, ang pinakamalapad nga marine reserve sa Pilipinas.