Namutikan ang pagsaka sa new Covid-19 cases sang Negros Occidental.
Sa monitoring sang probinsa may dose ka new Covid – 19 cases nga na-record sang kahapon nga adlaw.
Suno kay provincial administrator Rayfrando Diaz, ang mga nag liligad nga inadlaw single digit lamang ang na report nga new covid – 19 cases kag may yara pa gani nga adlaw nga zero Covid-19 cases.
Suno kay Governor Eugenio Jose Lacson, manubo pa man ang dose pero namutikan na ang pagsaka sa kaso kag ini ang maid-id nga gina monitor.
Sa January 5 nga report sang Provincial Incident Management Team, 179 ang active Covid – 19 cases sang Negros Occidental.
Suno kay Governor Eugenio Jose Lacson, indi man makumpirma kun ang amat-amat nga pagsaka sang kaso tuga sang omicron variant pero damlag pa nag paandam naman ang mga experto sang posible liwat nga pagtimbuok sang kaso.
Personal nga panindugan sang gobernador ang liwat nga paghaylo sa publiko sang pag gamit sang face shield kasubong man ang double mask para mapangapinan ang kaugalingon.