Digicast Negros

COVID-19 patient nga karga sang ambulansya sa aksidente, napatay

BCPO photo

Nagtaliwan ang COVID-19 patient nga karga sang ambulansya nga na aksidente sa dalan Lacson-San Sebastian sang nagligad nga semana.

Ini ang ginkumpirma ni Mayor Pedro Zayco sang Kabankalan.

Suno kay Zayco ang 78 anyos nga pasyente kag isa ka retired nga pulis ang nagtaliwan tungod sang masakit nga ginabatyag kag indi bangud sang aksidente.

Ang natabo nga aksidente, kun sa diin may duha pa gid ka iban pa nga salakyan ang nadalahig ang nagresulta man sa kamatayon sang ambulance driver.

Samtang, padayon nga naka lockdown ang City Engineer’s Office sang Kabankalan matapos magpositibo sa COVID-19 ang assistant engineer nga nagtaliwan sang Domingo.

Padayon nga ginahulat ang resulta sang swab test sang mga nagatrabaho diri.

Suno kay Zayco, Lunes sang gin-swab ang mga personnel kag tatlo tubtob apat ka adlaw maga abot ang resulta gikan sa molecular lab sang Teresita Lopez Jalandoni Provincial Hospital.

Tubtob nga indi mag-abot ang resulta padayon nga sirado ang amo nga talatapan.

“Ang amon pasyente to ya waay to napatay sa aksidente ah, napatay to ya sa COVID. He is 78 years old, a retired policeman. Subong ari na di ang abo, nadala na di, including the engineer. Cremate na to,” suno kay Zayco.

Exit mobile version
Skip to toolbar