Nagdangat na sa 229 ang active cases sang Negros Occidental sa August 14 nga report sang Provincial Incident Management Team.
Pero, Health Capacity Utilization rate padayon nga manubo.
Sa report sang PIMT, 34 ang na record nga new cases sang Covid 19, may isa naman nga gin report Covid related death.
Suno kay Dr Ernell Tumimbang, ang mga na record nga Covid death ginapasiguro nga may nagakaigo nga dokumento.
Yara naman sa 40.74 percent ang ang health capacity utilization rate sa August 14 nga report nga gin-release sang PHO.
Samtang, ang siudad sang Bago kag Talisay ang may pinaka mataas sa karon nga active cases nga gin report – tig 33.
Suno kay Tumimbang ila gina pat-od kun ano ang naga tuga sang pagsaka sang kaso, ayhan bangud sang proximity sini sa highly urbanized city, ukon local transmission mismo.
76.92 sa target mabakunahan naman sa probinsya ang fully vaccinated sa amo man nga report.