Sa isa ka resolution, ginpangabay ni Councilor Jason Villarosa ang City Legal Office kag Bacolod Traffic and Transportation Management Department pinaagi sa opisina ni Mayor Greg Gasataya nga ipatuman kag i-monitor ang pagpatuman sang City Ordinance Number 356 series of 2004 ukon ang ordinance against loud and noisy motorcycle mufflers.
May yara sang ordinansa sa Bacolod nga naga dumili sang pag gamit sang mga open pipe ukon ang mga magahod nga tambutso kag para sa konsehal kinahanglan nga i-monitor kun bala ginapatuman gid man ini.
Base sa resolusyon hingyuon sang siudad ang PNP kag LTO nga mangin implementing agencies sang sini nga ordinansa.
Damlag pa nagreklamo ang mga residente sang Barangay Alangilan sa Bacolod bangud indi na sila makatulog kun gab-i kay may lugar nga ginadagsa sang mga tawo kun gab-i sa barangay.
Kalabanan sa mga nagapadulong sa area mga naga motor nga may open pipe kag ang ila pag gwa sulod sa barangay ang nagatuga na sang disturbo sa pumuluyo.
Bangud sini napilitan ang barangay nga magpatuman sang curfew para mabalik ang kalinong sa barangay.