Councilor Al Victor Espino nagpahayag nga naplastar na ni Mayor Albee Benitez ang mga plano sa 2025 elections.
Sa pagsinapol sang katapo sang Asenso Bacolod sa Manila sang Biyernes ginpabutyag na ni Mayor Albee Benitez ang mga plano para sa 2025 elections.
Pero ginsiling ni Councilor Al Victor Espino nga ang alkalde na ang maga-anunsyo sang tanan pati na ang bahin sa ila mangin line-up sa piniliay.
Dugang ni Espino nga napulo sa mga incumbent councilors ang magapabilin sa line-up.
Bukas gihapon ang nabilin nga duha ka mga slots para sa mangin dugang nga maga kandidato sa pagkakonsehal sa idalom sang Team Asenso.
Ini samtang ginahulat ang mangin resulta sang imbestigasyon nga damlag ginmando sang alkalde sa ginpatigayon nga botohay sang tinalikdan nga convention.
Ginpahayag sadto sang alkalde nga siya ang natalana maga-anunsyo sang plano sa tion sang filing sang Certificates of Candidacy nga magasugod Oktubre 1 asta 8.