Ginpaathag ni Bacolod City Councilor Celia Flor nga mas maayo kun hulaton nalang anay ang annual audit sang Commission on Audit ukon COA sa mga proyekto sang siudad antes mag-request sang special audit sa legislative building.
Ini ang suno sa iya, isa sa mga rason kun ngaa wala gin-aprubahan sang Sangguniang Panlungsod ang resolusyon nga ginduso ni Councilor Homer Bais may angut sa paghingyo sa COA nga magpatuman sang special fraud audit sa pagkadelay sang proyekto.
Dugang pa sang konsehal, sa 2025 nga audit sang COA, wala man sang may nakita nga problema sa amo nga proyekto, rason nga suno sa iya kinahanglan anay hulaton ang 2026 audit sang ahensya nga maabot sa Enero sa masunod nga tuig.
June 2025 pa ang una nga target sang contractor nga mahuman ang proyekto, apang bangud sa mga variations, gin-extend ini sa September 2026, pero padayon pa ini nga ginakaayo sa karun.
Luyag man sang konsehal nga mapatawag ang Legacy Construction Corporation kag MKU Construction and Supply nga amo ang contractors sang 765 million pesos nga legislative building.
Ini agud mapaathag sa siudad kun ngaa may delay sa proyekto. Suno kay Flor, bisan siya naga reklamo naman bangud sa delayed nga proyekto kag gusto naman sang mga konsehal nga mag saylo na sa legislative bulding.
[sibwp_form id=1]