Gintiro ang 58-anyos nga engineer nga isa ka contractor sa national highway sang Sitio Omanod, Brgy. San Francisco sa banwa sang Santa Catalina, Negros Oriental, kaina Miyerkules sang aga, Agosto 27.
Nag-gwa sa imbestigasyon sang kapulisan nga gikan sa Barangay Manalongon ang biktima nga ginkilala kay Engr. Angelito Mendoza upod ang isa ka persona agud mangape.
Nagsakay ang biktima sa iya Honda ADV nga motorsiklo kag nag-drive padulong sa Sitio Omanod agud kuntani nga magbisita sa iya quarry site.
Apang sang ini ang yara na sa national highway sang Sitio Omanod, siya ang gintiro sang maka-tatlo ka beses sa likod.
Bangud sini, natumba kag nadanlog sa pihak nga dalan ang biktima kag ang iya motorsiklo.
Ang gunman ang nagasakay sa itom nga Honda XRM nga motorsiklo.
Ginsiling ni Police Staff Sergeant Eldridge Carl Maghanoy, investigator on case, yara na sa estable nga kondisyon ang biktima nga gin-refer sa isa ka ospial sa Dumaguete City.
Away sa duta sa quarry site sang biktima ang isa sa mga posible motibo sa insidente suno sa pulis.
Duha ka suspek, lakip na ang gunman, ang ginalantaw nga responsable sa krimen. Sila ang nagapabilin nga unidentified.
Narekober sa crime scene ang isa ka basiyo sang caliber .45 pistol.