Ginsiling ni Wennie Sancho ang President sang Alliance of Concerned Consumers in Electricity and Social Services ukon ACCESS nga sila ang naga suporta sa proposed partnership sa tunga sang Northern Negros Electric Cooperative ukon NONECO kag sang Negros Electric and Power Corporation ukon Negros Power.
Suno sa iya ini importante ang tikang padulong sa pag modernize sang power services kag pag improve sang consumer welfare sa Northern Negros.
Dugang pa ni Sancho ang ila nga grupo ang nag patigayon na sang series sang consumer education kag awareness programs upod sa ila nga mga members sa mga lugar nga gina serbehan sang NONECO sa nag liligad nga binulan.
Ila nga nabatian ang panawagan sang mas maayo nga electric service kag affordable rates.
Ang proposal suno sa iya sang Negros Power sa NONECO ang dapat lantawon bilang partnership padulong sa pag tin-ad.
Higayon man ini suno sa iya nga masabat ang madaan na nga infrastructure and service inefficiencies.
Mahimo nga misinformation ukon misunderstanding ang nagtuga sang opposition sang iban sa amo nga ginaduso nga lihok.
Kinahanglan suno sa iya ang information drive kag open dialogue.
Ang NONECO nagaserbe sang masobra sa 200,000 consumers sa E.B. Magalona padulong San Carlos City.