Patay ang 32-anyos nga construction worker matapos mabun-an sa Purok Riverside, Barangay San Isidro sa banwa sang EB Magalona, Domingo sang hapon.
Ginhingagaw dala sa ospital ang biktima apang gindeklarar nga dead on arrival. May buno ang biktima sa iya nga dughan kag tyan.
Nakapalagyo naman ang suspek matapos ang insidente, apang kaina sang aga, siya ang tigayon nga nadakpan sang katapo sang EB Magalona PNP.
Ginsiling ni Police Major Eric Doronila, hepe sang EB Magalona PNP, inaway sa drag race ukon palumba-anay sang motorsiklo ang ginhalinan sang kinagamo, nga nagresulta sa pagkastiguhay kag pagbun-anay sang pila ka mga grupo, lakip na sang suspek kag biktima.
Suno kay Doronila, kaso nga murder ang ginahanda karon sang kapulisan nga ipasaka batuk sa 32-anyos nga suspek.
