Masobra na sa 50 percent ang construction sang ginatukod nga Yuhom Village housing project sa Barangay Vista Alegre.
Suno kay Mayor Albee Benitez mahimo sa Oktubre matapos na ang 200 housing units nga gintalana para sa mga informal settler families.
Kaina ginpangunahan man sang Committee on Urban Poor, Housing and Resettlement ang orientation para sa mga applicants kag beneficiaries sang housing program.
Suno kay Councilor Vladimir Gonzalez, suguran man sa madason nga binulan ang construction sang Yuhom Village housing project sa Barangay Banago kag Estefania.
May yara sang gintalana nga P500 reservation fee ang developer kag padayon ang pagbaton sang Task force Pabahay sang mga applications para sa pabahay program.
Nagapahandumdom naman si city administrator Atty. Pacifico Maghari III sa mga ISF beneficiaries nga ginadumilian ang pagpa-renta kag pagbaligya sang mga housing units.