Construction sang diversion channel yara na sa 75 percent, pag-angut sang arterial drainages madasun nga suguran agud nga masolusyunan ang baha sa downtown area sang Bacolod.
Nasuguran na ang pag-angut sang gina-construct nga diversion channel sa Mambuloc Creek agud nga rekta nga maga-ilig ilabi na ang tubig baha pakadto sa baybay sa Bredco Port area.
Ginsiling ni Congressman Greg Gasataya nga yara na sa kapin 75 porsyiento ang construction sang diversion channel project sa dalan Burgos.
Pero kinahanglan pa nga maangut ang tanan nga mga arterial drainage nalakip diri ang ginakaayo karon sang City Engineer’s Office sa reclamation area agud nga masolusyunan ang pagbaha sa downtown area sang siudad.
Wala malakip ang floodgate project nga ginapaabot maga-angut sa outfall ukon guluhaan sang tubig halin sa diversion channel.
Naghinyo na sadto si Mayor Albee Benitez sa national government nga mapangitaan sang pondo paagi sa DPWH ang tatlo ka mga ginaplano nga floodgate project sa siudad.