Congressman-elect Manuel Frederick Ko sang Abang Lingkod Partylist ang naga tuyo nga mapabaskog ang support para sa mga farmers kag fisherfolks sa iya nga pagpungko sa kongreso.
Sa interview sang media, iya ginsiling nga luyag niya balikan ang roots sang Abang Lingkod Partylist kag ini ang pag tib-ong sang kawsa sang mga mangunguma kag mangingisda.
Iya ginsiling nga siya ang maga hinyo sang technical support agud maka tie-up sa Agriculture kag Bureau of Fisheries and Aquatic Resources para mapaayo pa ang suporta kag mabuligan ang palangabuhian sang mga natungdan.
Ginsiling ni Ko, nga kalabanan sa boto nga iya nakuha ang gikan sa Negros Occidental, labi na sa Bacolod City.
Samtang, si Ko sa karon ang acting governor sang Negros Occidental matapos nga magbiyahe si Governor Eugenio Jose Lacson para magtambong sa graduation sang Negrense scholars sa commercial cookery gikan sa International College of Advanced Education kag early childhood care studies gikan sa Alana Kaye College sa Northern Territory sang Australia.
“Siguro pag mag open ang Congress sa July, siguro mangita ko sang technical support sa house kun paano kami maka tie-up sa DA, paano kami maka tie-up example ining BFAR para bala ma enhance naton ang aton palangabuhian sa baybayon kag sa mga kaumahan”, suno kay Ko.