Bacolod Congressman Greg Gasataya nagpahayag nga dapat mangibabaw ang mangin desisyon sang partido may kaangtanan sa pag-endorse kay pao sy nga mabulos sa iya nagtaliwan nga amay nga si Councilor Elmer Sy.
Mismo ang pamunuan sang Nationalist Peoples Coalition ang naghatag sang endorsement para kay Pao Sy nga amo ang magabulos sa iya nagtaliwan nga amay sa Sangguniang Panlungsod sang Bacolod.
Gani nagapati man si Congressman Greg Gasataya nga dapat ini ang mangibabaw.
Damlag pa gin-nominate sang katapo sang lokal nga partido si Marlon Solidum nga amo ang maga bulos sa nagtaliwan nga si Councilor Elmer Sy.
Nagfile naman sang reklamu si pao sy bangud kadam-an sa mga nagboto sa kay solidum mga katapo sang grupo progreso ang nagsaylo na sa Nacionalista Party.
Tubtob nga nabaton niya ang endorsement halin sa pamunuan sang partido.
Ginpadala na sang partido ang recommendation sa Office of the President kag sa Department of Interior and Local Government.
Si Pao Sy ang nagapapili karon sa pagka-konsehal sa idalom sang Asenso Bacolod, liwat man nga nagpapili si Solidum sa pagka-konsehal sa idalom sang Grupo Progreso.