Ginhimutig ni congresswoman elect Mercedes Alvarez nga ang mga Alvarez ang nag suporta sa kasumpong ni Mayor Pedro Zayco sa Kabankalan City.
Wala mag lab-ot sa 300 ang abanse ni mayor elect Benjie Miranda kontra kay Zayco.
Suno kay Alvarez, personal nila nga kilala si Miranda labi na sang tion nga ini ang punong barangay sang Tan-awan kag siya sadto ang kongresita.
Suno kay Alvarez, madugay na sila ang naga upod trabaho nanday Mayor Zayco kag kaalyado sila. Wala sang kamatuoran nga si Congressman Genaro Alvarez nga iya amay, ukon siya ang nag suporta kay Miranda.
Sa pihak nga bahin, suno kay Alvarez, luyag niya man makabalik bilang deputy speaker pero ini tanan maga depende sa allocation sang mga political parties.
Mangin priority niya ang pending bills nga na file sang iya amay, kasubong man ang pagduso nga matapos ang airport sa Kabankalan nga nagakinahanglan pa sang pondo para sa terminal
building kag sa apron ukon ang dalan padulong sa terminal building. Pabor man si Alvarez sa pagbalik sa One Island Region.