Na trace na sang Bacolod LGU ang computer shop nga gina alegar nagapameke sang business permit.
Wala anay ginpahayag ni City Legal Officer Atty. Romeo Carlos Ting Jr. ang lugar kag ngalan sang amo nga computer shop.
Pero ginkumpirmar ni Ting nga may ginauyatan na sila nga ebidensya nga video sang pagpameke sang dokumento.
Plano sang siudad nga magpatigayon sang entrapment operation. Suno kay Ting, ang mga persona nga nagapameke sang business permit ang pwede mapasakaan sang kaso nga falsification of public documents.
Damlag pa gin siling ni Mayor Albee Benitez nga may nubenta na sila tanan ka mga business permits nga natukiban nga peke.
Padayon ang inspection sang Bacolod Permits and Licensing Office sang mga business permit sa mga establisimiento sa syudad.