Wala man nakahambal si Presidente Ferdinand Marcos, Jr angut sa Barangay kag SK Elections gina paabot nga ini ang madayon santo sa schedule. COMELEC padayon ang pag panghanda.
Ini suno kay Deputy Speaker kag Bacolod Lone District Representative Alfredo Abelardo Benitez sa interview sang media sa iya pagkatapos sang State of the Nation Address sang Lunes.
Ginsiling ni Benitez nga ang panindugan sang Department of the Interior ang Local Government sa BSKE amo nga ini ang madayon santo sa plano.
Ang sadto anay ginsiling nga mga rason ni Sec Jonvic Remulla para ipostpone ang BSKE ang wala na.
Sa bahin sang COMELEC padayon ang pagpanghanda para sa November nga piniliay.
Ginsiling ni Atty Ian Lee Ananoria ang COMELEC Supervisor sa Negros Occidental santo sa schedule ang ila nga pag panghanda kag all systems go na sila.
Naka bisita na gani ang mga Election Officer sa mga eskwelahan nga maga serbe polling centers. Padayon ang pag panghanda – natapos na ang project of precincts, mga ballot boxes nga gamiton para sa manual nga piniliay ang gina handa naman.
Ang masunod na nga schedule amo ang pag file sang Certificates of Candidacy sa Setyembre 28 tubtob Oktubre 5.
Pahanumdom sang COMELEC sa mga maga papili nga likawan gid ang premature campaigning sa tion nga sila ang maka file na sang COC.
Sarang na ma download ang COC forms karon.
[sibwp_form id=1]