Commission on Elections ang naga patigayon sa karon sang inventory sa mga yellow nga ballot boxes.
Ini suno kay COMELEC Negros Island Director, Atty Lionel Marco Castillano nga nagsiling nga wait and see man sila sa mangin desisyon sang presidente karon nga na submit na sa iya nga talatapan ang enrolled bill para sa Barangay kag SK ELections.
Tatlo ang sarang matabo, una lagdaan ni Presidente Ferdinand Marcos Jr ang enrolled bill nga naga tugot sang apat ka tuig nga pag pungko sang barangay officials sa maximum nga tatlo ka termino.
Ika duha iga veto sang presidente ang amo nga enrolled bill kag ikatlo mag lapse into law ang amo nga hagna.
30 diyas humalin sang nabaton sang presidente ini, nga kun wala sang aksyon nga napatuman kag mag lapse na lamang kag mangin laye.
Kun mag mangin laye gid man epekto sini maga padayon pungko ang mga barangay officials karon kag sa November 2026 na ang madason nga barangay kag SK Elections.
Kay gina paabot man ang posibilidad nga sa November 2026 ang madason nga piniliay gin paisol naman sang COMELEC suno kay Castillano ang registration of voters sa October imbes nga sini nga Hulyo 1 tubtob 11.
Pagkatapos na ini sang Bangsamoro Autonomous Region in Muslim Mindanao Parliamentary Elections.
Dugang pa ni Castillano maga dungan na ang registration sa BARMM kag sa bilog nga Pilipinas.
“Hindi pa namin tinatapos yung preparasyon para sa Barangay Election, kasi sa ngayon nag papaimbentaryo pa tayo ng mga yellow ballot box, tuloy pa rin yung procurement, but short of award. Hindi kami mag a-award, kasi in the end nasa presidente na kasi ang desisyon kung i-veto niya. But ang COMELEC in anticipation sa batas na yan yung July 1 to 11 (registration) di-nifer”, suno kay Castillano.