Tubtob nga wala sang laye nga naga paisol sang Barangay kag SK Elections padayon ang pag panghanda sang Commission on Elections para sa BSKE sa November.
Ginsiling ni Provincial Elections Supervisor Atty Ian Lee Ananoria nga handa na ang COMELEC sa gina paabot nga piniliay.
Ang ila nga instruction gikan sa kay COMELEC Commissioner George Garcia nga dapat padayon ang ila nga pag panghanda.
Ginsiling ni Garcia sa media interview nga sa ila listahan may pito ka mga housebills nga naka file sa House of Representatives nga naga hinyo sang pag paisol sang BSKE, may isa naman ka na file nga hagna sa Senado.
Sa karon suno kay Garcia mga P8 billion na ang ila nga gasto sa pag procure sang mga supplies kag printing sang ballots para sa BSKE. May nabilin pa sila nga P11 billion sa pondo kag ini ang na pain na para sa bayad sa maga serbe bilang electoral board members – P9 billion, training sa mga manunudlo P1 billion kag sa deployment P1 billion.
Pananglitan nga ma postpone sarang man sa gihapon nga magamit ang mga na print nga ballot. Manual elections ang BSKE. Ang mga ballpen kag mga ink masami naga lawig sa isa ka tuig, gani depende na sa kalawigon kun san-o matabo ang BSKE kun ma postpone gid man.
Ginsiling ni Atty Ananoria nga maga paidalom sa regular nga process ang mga gin-file nga hagna. May mga pagduda sila sa kun ano kadasig ukon ano ka lip-ot ang pag idog sang hagna.
[sibwp_form id=1]