Labi ang pasalamat sang Commission on Elections nga nahuman ang piniliay kag nag moderate explosive eruption ang bulkan Kanlaon.
Suno kay Atty Jossil Macute ang Assistant Regional Elections Director sang Negros Island Region, ang ila lang gid nga pangamuyo nga indi maglupok ang bulkan sa adlaw sang eleksyon.
Ginsabat suno sa iya ang ila nga pangamuyo bangud nakibot man sila nga pagkatapos sang adlaw sang eleksyon nag lupok ang bulkan.
Damlag pa, ginsiling na sang COMELEC nga ang tuyo sang pamuno sini, Chairman George Garcia nga wala sang may matabo nga failure of election.
Gani ginpahanda na sila sang contingency plan sa tuyo nga madayon ang eleksyon ano man ang sitwasyon sa bulkan.
Samtang, gina pasalamatan man sang COMELEC nga magluwas sa natabo sa Silay City nangin relatively manageable ang election.
May mga room for improvement suno sa iya.
May mga nagbisyo man nga ACM kag USB pero ini ang nahatagan sang nagakaigo nga solusyon.
Natigayon ang mga proklamasyon suno sa iya.
Mataas para sa iya ang success rate sang eleksyon sa Negros Occidental.