Matapos nga mag cancel ang Commission on Elections sang calendar of activities sini para sa BSKE 2026, gina handaan naman karon nila ang pag resume sang voter registration.
Ginsiling ni Provincial Elections Supervisor, Ian Lee Ananoria, nga sa ika duha nga semana sang Nobyembre natalana ang pagbalik sang voter registration kag gina lauman nga ini ang tubtob sa July 2027.
Ini ang para na sa presidential elections suno kay Ananoria.
Kay tungod nga wala na nadayon ang Barangay and SK Elections para sini nga 2026, suno kay Ananoria ang instruction sa ila amo nga taguon for safekeeping ang Posted Computerized Voters List ukon PCVL.
Paathag ni Ananoria, wala man madayon ang BSKE, indi pa man tuman gid ang nagasto sang COMELEC bangud ang bulk ukon ang daku nga gina gastuhan sini ang mga sweldo sang mga manunudlo nga kag iban pa nga naga serbe sa piniliay kasubong man ang mga para sa shipping.
[sibwp_form id=1]