Comelec nagapangabay sa mga kandidato nga ipaiway ang fanfare ilabi na ang pagdala sang mga cheering squard sa filing sang Certificate of Candidacy.
Sa Oktubre uno natalana nga maga-file sang ila certificate of candidacy sanday incumbent Governor Eugenio Jose Lacson kag Vice Governor Jeffrey Ferrer sa provincial Comelec office.
Ang Social Hall Sa Provincial Capitol amo ang gintalana sang Comelec para sa schedule sang filing sang COCs sa Oktubre uno tubtob nuebe.
Suno kay Provincial Election Supervisor Atty. Fatima Aspan, may gintalana na nga mga schedule para sa filing sang COCs halin sa mga board members as sa magapapili gobernador kag bise gobernador sa probinsya.
Ang pangabay lang ni Aspan sa mga magakandidato karon nga may pandemic, ipaiway lang kuntani ang pagdala sang mga cheering squad ukon pagpatigayon sang mga fanfare sa schedule sang filing sang COC.
Limitahan man sang comelec sa napulo ka mga persona ang pwede maka-sulod sa ila opisina agud masiguro ang pagpatuman sang minimum health standard protocol.