Magkadungan ang separado nga opening salvo sang Asenso Bacolod sa Paglaum Sports Complex kag Grupo Progreso sa Bacolod Public Plaza sa Sabado.
Gani nagpangabay si Atty. Revo Sorbito, acting officer sang Comelec-Bacolod sa mga kandidto ilabi na sa ila mga suporters nga maghalong kag kontrolon ang ila kaugalingon agud mapaiway ang posible pagluntad sang gamo sa pagsugod man sang local campaign bwas, Marso 25.
Ini bangud wala pa man nakasugod ang kampanya may diutayan lang maglab-otanay nga suporters kag kandidato matapos man ang debate sa tunga sang mga congressional candidates kahapon.
Gindugang ni Sorbito nga maga monitor man sila sa natalana nga campaign rally kag sa iban pa nga in person campaign activities sang mga kandidato bilang pagsunod sa health protocol sa tion sang kampanya.
Ang Bacolod City Police Office ang magatalana man sang kapulisan nga mapasiguro sang kalinong sa campaign rally sang magtimbang nga political group.